આજે દાહોદ શહેરમાં ભગવાનશ્રી જગન્નાથજીની રથયાત્રા શાંતીપુર્ણ વાતાવરણમાં અને ભાવિકોની જુજ ઉપસ્થિતીમાં સમ્પન્ન થઈ

દાહોદ તા.૧૧
આજે દાહોદ શહેરમાં ભગવાનશ્રી જગન્નાથજીની રથયાત્રા શાંતીપુર્ણ વાતાવરણમાં અને ભાવિકોની જુજ ઉપસ્થિતીમાં સમ્પન્ન થઈ હતી. રથયાત્રા નિજ મંદિરેથી નીકળી નિર્ધારિત સ્થળોએ ભ્રમણ કરી પુનઃ નીજ મંદિરે ભગવાન શ્રી જગન્નાથજીની યાત્રા પહોંચી હતી. આ વખતે સરકારની ગાઈડલાઈન પ્રમાણે રથયાત્રાનું આયોજન કરવામાં આવ્યું હતું. ચુસ્ત પોલીસ બંદોબસ્ત વચ્ચે નીકળેલી આ રથયાત્રા શહેરીજનોએ લાઈવ પ્રસારણના માધ્યમથી ઘરે બેઠા રથયાત્રા નીહાળી હતી.

અષાઢી બીજના પાવન પ્રસંગે ભગવાન શ્રી જગન્નાથજીની દાહોદ નગર સહિત જિલ્લામાં ચાર સ્થળે દાહોદ, લીમખેડા, ઝાલોદ અને લીમડી નગરમાં આજે રથયાત્રા નીકળી હતી. નગરચર્યાને લઇને પોલીસ દ્વારા સઘન બંદોસ્તનું આયોજન કરવામાં આવ્યું છે. દાહોદ શહેરમાં રથયાત્રા હનુમાન બજાર રણછોડરાય મંદિરેથી રથયાત્રા નીકળી હતી. પદવિહિન દાહોદના સાંસદ જસવંતસિંહ ભાભોર અને નગરપાલિકા પ્રમુખ દ્વારા કરવામાં આવી હતી. આ રથયાત્રામાં પાલિકાના સભ્યો, કાર્યકરો સહિત કોરોના ગાઈડલાઈનના અનુસાર ગણપાત્ર લોકો ઉપસ્થિત રહ્યાં હતાં. આ રથયાત્રા વહેલી સવારે સાડા નવ વાગ્યાના સમયે હનુમાન બજારના રણછોડરાય મંદિરેથી નીકળી શહેરના બહાર પુરા, પડાવ, નેતાજી બજાર, દોલતંગજ બજાર, સોનીવાડ રાધાકૃષ્ણ મંદિરે ભગવાને પોતાના મામાના ઘરે વિસામો કર્યાે હતો તે મંદિરની અંદિર ભગવાનની આરતી અને પુજા વિધી કરી ફરી પાછા ભગવાન શ્રી જગન્નાથજી રથમાં બેસી આર.પી.અગ્રવાલ સ્કુલ થઈ એમપીએમસી થઈ ગોવિંદનગર કોર્ટ રોડ, બજાર થઈ નેતાજી બજાર થઈ હનુમાન બજારના નીજ મંદિરે સમાપન કરવામાં આવ્યું હતું.

Share this with

Leave a Reply

Your email address will not be published. Required fields are marked *